محتاس افندي و فخفخينا بية ؟؟

ال اية كنت قاعدة لا بية و لا علية في المكتب ؛مكتبي طبعا .. و اذا بية الاقي ريحة مش تمام فاحت مرة واحدة ؟؟ قمت ادور علي سبب الريحة فتحت الباب و بصيت علي الصالة برة ما لقيتشي حد قاعد خاالص ؟ سالت مها اية الريحة دي يا مها ؟؟؟ ( علي فكرة مها دي وكيلة المكتب ) فردت مها و قالت مش عارفة واللة ؟؟؟؟؟؟
المهم قفلت باب الحجرة علية و قعدت و انا حفرقع من الغيظ من حاجتين : اول حاجة ** الريحة الوحشة .. تاني حاجة** عدم وجود زباين بالمكتب نهائيا ؟؟ و فجأة دخلت علية مها و قالت لي ا/ أميرة ا/أميرة زبون زبون برة ما اخبيش عليكم كان قلبي حيقف من الفرحة اخيرا اخيرا جالي زبون ياااااة ....
قلت لها دخلية دخلية بسرعة .. و لمحت في عنيها بصة مش هية قلت لها فية اية يا مها ؟؟؟؟؟؟؟ بتبصي كدة لية ؟؟ سبتني و مشيت ؟؟؟؟؟؟
المهم لحظات و دخل علية (( الموكل)) و اول ما دخل الريحة اللي مش هية زادت قوي لأكتشف بنباهتي ان هو مصدر الريحة دي....
ما علينا قلت مش مشكلة ريحة وحشة ريحة وحشة المهم قضية جاتللي و خلاص ... بنظرة سريعة تفحصتة لأجدة يرتدي ملابس غريبة ( قميص مقلم بدون ياقة و بنطلون جينز مقطوع قطعة كبيرة و كوفية صوف ) ؟؟؟؟؟؟؟؟؟

قلت لة اتفضل اتفضل قالي اللة يكرمك متشكر ...
وسألتة انت بنطلونك اتقطع و انت جاي و لا اية؟؟ رد و قاللي لا لا ابدا دي الموضة بتاعة البلد بئت كدة دلوقتي ؟؟ استغربت و قلت في عقل بالي يا بت انتي حتقعدي تحققي في البنطلون المقطوع و لا اية ؟؟ يا بت عديها و سايسية لاحسان يطفش بالقضية ؟؟
رديت و قلتلة صحيح الموضة كدة .. كويس كويس بكرة يدخل الصيف و الموضة دي حتنفع جدا خاصة في ظل ارتفاع درجات الحرارة واتساع خرم الاوزون .

و قبل ما يتكلم اخينا قلت لة آآمرني اية قضيتك؟؟؟؟؟؟؟
رد و قاللي الامر للة – بصراحة انا اعاوز اقابل حد من الحكومة بتاعتنا ؟؟ طبعا استغربت جدا و قلت لة حد من حكومتنا لية خير ؟؟؟
قاللي انا عاوز اقابل أي وزير اتوسل اليكي و فجأة الراجل ارتبك و قعد يدعي علي الحكومة و علية كمان ؟؟ ال اية انا مش راضية اساعدة ...

بصراحة اخينا صعب علية جدا هديتة و قلت لة استريح و انا حعملك اللي انت عاوزة و ندهت مها و طلبت منها ليمون ..

و سالتة انت بتشتغل اية ؟؟ و اسمك اية؟؟
قاللي انا اسمي ( محتاس) و بشتغل موظف ........... و مرتبي 250 جنية و عندي 40 سنة و متجوز و عندي 2 ( بئس و آهاات ) ؟؟؟
معقولة مسمي ولادك بئس و آهاات ؟؟ قاللي اسميهم اية طيب غير كدة؟؟ اساميهم لايقة علي الاوضااع الهباب اللي احنا بنعيشهاا ...

طب انت عاوز تقابل لية حد من الحكومة عندناا؟؟؟
انا عاوز اقابل حد من الحكومة بتاعتنا عشان حقي يرجع لي و يزودووا مرتبي او ع الاقل حد يفهمني اعيش ازاي انا وولادي و مراتي ب 250 في الشهر مطلوب ناكل و نشرب و نلبس و ندفع مصاريف المدارس و الدروس الخصوصية و ايجار الشقة و النور و البمبة و لو حد عيي بئة ما اقوليكيش لية ربناا ؟؟؟؟
انا ما كلتش بقالي اسبوع و مش حاكل غير لما اقابل أي مسئول ....

يعني خلاص انت قررت ؟؟ ما فيش رجوع في كلامك؟؟؟؟؟؟؟
** رجوع اية اتكللي علي اللة ...
المهم مسكت التليفون و بدأت اتصل بجميع وسائل الاعلام و الصحافة و المحطات الفضائية و خلافة ...

و ما هي الا ساعة زمن و المكتب بعيد عنكم اتمللي كاميرات و مذعيين و صحفيين
و اطريت اشتري للجيش اللي جة كل واحد زجاجة بيبسي و شوفوا انتوا بئة الازازة بكام دلوقتي ...
قلت مش مشكلة بكرة أ/ محتاس ياخد حقة و يديللي اتعابي بعد ما مرتبة يزيد ...

ما اطولشي عليكم .. و كما عاهدناها دائما حكومة نظيفة الناس استجابت علي طول و اتحدد ميعاد عشان الأستاذ/ محتاس يقابل مسئول من الحكومة و قد كاان و فعلا عرفنا مين المسئول ( فخفخينا بية ) هو اللي انتدبتة الحكومة عشان يقابل أ/ محتاس ...

و مش معقول الراجل كان حيروح المقابلة كدة ..؟؟ قلت اكمل جمييللي و اسلفة صابونة ...و ابقي اضيف حقها علي الاتعاب ....

و قد حانت ساعة الصفر و فوجئنا بأن حراس ( فخفخينا بية ) بيمنعوا اجهزة الاعلام من التصوير ....؟؟؟؟؟؟؟؟؟؟؟؟؟؟؟؟؟؟؟؟؟

قلت و مالة يمكن البية عاوز يكلمنا علي انفراد من غير دوشة الاضواء و الصحافة و خلافة ....
و دخل محتاس افندي و انا طبعا ما هو انا المحامية بتاعتة ... دخلنا لقينا كريدووررر طويل مفروش سجاد احمر مسخسخ و بعدين لاقينا حجرة كبيرررررررة عرفنا بعد كدة انها حجرة السكرتارية ؟؟؟
و ما اقلوكوش بئة حتة مزة من الأخر ( سكرتيرة اية ترد الروح) ؟؟ و لقيت محتاس افندي بيكلم نفسة و بيقول اهي دي الستاات و لا بلاش ؟؟ قعدنا حوالي ساعة و نص ما حدش معبرناا و لا حتي حد قالنا تشربوا اية .؟؟؟؟؟؟؟

كل دة و انا قاعدة حفرقع طبعاا و عمالة اضرب اخماس في اسداس و اقول يا رب يا رب عديها علي خير و اخد فلوسي اللي ادبست و دفعتها ..و توبة توبة من دي النوبة ....

شوية و لقيت موسيقي بتضرب اتااري دة جرس فخفخينا بية ؟؟ و شوية و المزة (السكرتيرة طبعا) قالتللي اتفضلي ؟؟؟؟

خت محتاس افندي و احنا داخلين لمحت في عينية فرحة غريبة جدا و لقيتة بيقول يا فرج اللة اخيرااا ..

ما عليناا .. دخلنا و قابلنا فخفخينا بية قاعد في حتة دين مكااان ياا بوووي يرد الروح .. سجاد احمر اية ؛ تحف اية؛ فرش اية؛ و اضواء اية ؛و حتة دين تلاجة مليانة من خيرات ربناا 00 بصراحة انا كنت قاعدة و بقول يا رب ما اقوم خالص و الزق بغرة في الفوتية المريح اللي قاعدة علية ...

و احقاقا للحق ( فخفخينا بية ) قابلنا مقابلة جامدة جدا ترحاب اية ؛ و سلامات اية ؛ و بئي بيضحك علي طول ..

و لقيتة بيقول ( اية يا سيد محتاس ؟؟ زعلان لية؟؟ انا عندي تعليمات اريحك ع الأخر....؟؟

بدا محتاس افندي يحكي لة عن همومة و المرتب 250 جنية و ما بيكفيش قالة يا بية انا ايجار شقتي 150 جنية و مواصلاتي طول الشهر 60 جنية بيبقي من المرتب 40 جنية اعيش ازاي بيهم ؟؟ اكل و شرب و كسوة و مدارس ؟؟؟؟؟؟؟؟؟ و كل يوم الاسعار بتزيد الصبح ازازة الزيت بسعر و بالليل تلاقيها غليت و بئت بسعر تاني دبرني يا بية مش انتو الحكومة ؟؟؟؟؟
يا سيد محتاس رفع الاسعار مش بأدينا .. و بعدين احنا دائماا بنتعامل مع الشعب بشفافية مطلقة0000 ؟؟؟؟؟

بس هو قال الشفافية من هنا و انا قلت خلاااص راحت عليكي فلوسك يا بت يا أميرة طالما بدا كلامة معانا بمبدأ الشفافية بتاع حكومتنا يبقي خلاااص علية العوض و منة العوض

زغت محتاس افندي في دراعة عشان نقوم و ناخدها من أصيرها لكن و لا سئل
و لا كأني هناا ...

يا سيد محتاس انت الوحيد اللي بتشتكي؟؟ كل زمايلك ازاي عايشين ما هما برضة مرتبهم زي مرتبك ؟؟؟؟ لا لا انا عاوزك تبقي قنوع اكتر من كدة انت احسن من غيرك بمراحل كتيرررررر
و بعدين قوللي بئة انت ما رحتش الشغل النهاردة لية؟؟؟؟؟
يا بية يا بية انا مش لاقي اكل و بكمل يومي نوم ...

قام فخفخينا بية و رفع سماعة التليفون و طلب ملف محتاس افندي اللي طبعا وصلة قبل ما احنا نروح ...

لحظات و جة موظف و شايل معاة ملف خدمة محتاس افندي و دار بينة و بين البية الحوار دة :
ها اية الاخبار درست الملف؟؟
طبعا يا فندم بس لقيت حاجات ما تسرش ابدااا ؟؟؟
لقيت اية ؟؟؟
محتاس افندي عمل تجاوزات كتير يا فندم بدئا من الحضور متأخر وصولا الي الاخطاء المهنية في العمل ؟؟؟؟؟؟؟؟؟؟؟
محتاس افندي:: انا انا ابدا ابدا ازاي ازاي؟؟؟

فخفخينا بية دا كلام برضة يعني انت عامل عمايل و كمان جاي تشتكي ؟؟؟ و مش بس تشتكي دا انت جايبللي الفضائيات و الصحافة معاك؟؟ و كمان محامية؟؟؟ انت بتلوي دراعي ؟؟ مش انا مش انا اللي يتلوي دراعة ابدا ابداا ....

يا بية انا كل طلباتي ان مرتبي يقضي الاسعار اللي عمالة تطلع لفوق ... يا بية انا كل طلباتي اني الاقي اكل و اكل عيالي ؟؟ يا بية دي الرحمة حلوة ..
يا بية جيوبنا نضيفة زي الحكومة ... جيوبنا انضف من الصيني بعد غسيلة
عاوزين تعملوا فينا اية اكتر من اللي عملتوة ؟؟
رفعتوا الاسعاار الضعف يعني كأن المرتب خس النص ؟؟
لا عدنا عارفين ناكل و لا عدنا عارفين نشرب؛ خلطتوا المية بالمجاري و اكلتونا البرسيم و لبستونا العمة ...
حتي الدعم بديتوا تشيلوة حبة بحبة عن الرز و السكر و المكرونة ؟؟
كيلو الرز كان ب 2 جنية و نص بقي ب 4 جنية ؟؟؟
المكرونة بقي الكيلو ب 4 و نص بدل 3 و نص ؟؟
السكر بقي ب 5 جنية؟؟
الدقيق بقي ب 5 و نص ؟؟؟
و الداهية التقيلة رغيف العيش رغيف العيش اللي حتشيللوا الدعم عنة و حيبقي الرغيف ب 40 قرش بدل 5 قرش ؟؟؟؟؟؟؟؟؟؟؟

و لا الفراخ كيلو الفراخ البيضة بقي ب 15 جنية؟؟؟؟؟؟؟؟
كيلو الفراخ البلدي بقي ب 17 و نص ؟؟؟؟؟؟؟؟؟؟

دا يرضي مين بس ؟؟؟ ازازة الزيت بئت ب 12 جنية بعد ما كانت ب 6 جنية ؟؟
شهر واحد اترفعت فية الاسعار و نطت الضعفين ؟؟ امال لما يمر شهرين تلاتة الاسعار حتبقي كاام ؟؟ و حناكل اية؟؟ و حنكفي بيوتنا ازاي؟؟؟

حتي الفول غلتوة ... حتي الفول بقي امنية ان احنا ناكلة في يوم و نشبع منة ؟؟؟
انتوا اية ما عندكوش دم ؟؟؟ ما عندكوش رحمة ؟؟؟

اية هي حصلت بتشتمني ؟؟؟ ع العموم انا حكون احسن منك و مش حرد لكن عشان تبقي عارف ملفك مليان بلاوي و انت تم تحويلك للتحقيق من ساعة و صدر قرار بوقفك عن العمل و معاقبتك بخصم نص مرتبك كل شهر لمدة سنة ؟؟؟؟؟؟

و فجأة فخفخينا بية بئة بصلي بعيونة و قاللي :: و انتي يا استاذة ؟؟؟
طبعا انا صوتي ما كانش خاارج خالص و كنت بغللي من جوايا بس حتكلم ازاي ؟؟ ما انا عرفت اللي فيها ... مش قلتلكوا هي الشفافية ؟؟؟؟؟؟؟؟؟؟؟

كنت بفكر ما ردش علية خالص و قلت يعني حيعمللي اية ؟ انا لا انا موظفة حيطلعللي بلاوي من اللي بالي بالك ؟؟؟ و لا انا جاية اشتكي من الجوع ؟؟؟ انا محامية بقضي وظيفتي و بس ....

و بيني و بينكم ضربتها بسرعة في دماغي .. قلت يا بت ردي علية احسان بعدين تطلعي موظفة و ليكي ملف و فية بلاوي و انتي مش درياانة ؟؟؟

نعم حضرتك بتكلمني يا فخفخينا بية؟؟؟
ايوة بكلمك ...قوليللي يا استاذة انتي فاتحة مكتب طبعا ؟؟؟
اة يا فندم انا فاتحة مكتب خاص بية؟؟؟
** كويس واللة ان في سنك دة و تبقي فاتحة مكتب طب و الضرررررااااااااايب ؟؟؟؟

اول ما قال ضرايب من هنااا قلبي وقع في رجليا من هنا و افتكرت اعلانات ( هيثم) اللي وقع مع الضرايب و راح كلاااابوش ...
و عنها و عرفت مصيري .....
لقيت فخفخينا بية بيرفع سماعة التليفون و بيكلم مصلحة الضرايب ؟؟؟
صحيت من النوم علي صوت جرس الباب ؟؟ اتارية البوسطجي جايبللي جواب من الضرايب؟؟؟؟؟؟؟؟؟؟؟؟؟؟؟؟


و عمار يا مصر .. و خير اللة ما اجعلة خير ...