مواطن بدرجة محامي

مرافعة محامي؟؟؟
حلمت الليلادي بأني في موقف رهيب .. بأقول و الكلام طالع مني نحيب
سيادي القضاة دفاعي بسيط ؟؟؟ كلامي ما هواش بسيط و ماهواش عبيط ...
بسيط
بساطة هدوم الغلابة الفقاري الحفاة..
بسيط زي اسم صديق علي شفة صديق..
بسيط زي دمعة بريء .. بسيط زي وحش جعان من الغلاة
بسيط زي حفنة دقيق ؟؟؟؟

سيادي القضاة
يا ذمم يا همم يا قمم يا عتاة
دفاعي قوي زي صرخة غريق بيندة قارب نجاة
بيندة بيندة بأخر قواة للحياة ...
دفاعي قومي زي دقماق حديد قوي زي تمثال الة
قوي زي بلطة رجال الحريق فوق بيبان الحريق ...
سيادي القضاة
سيادي الكراام العظام الفخام العلاة ...
دفاعي مؤيد مؤيد بكل الكلام العظيم بتوراة بأنجيل بمزامير داوود بقرءان كريم ....
دفاعي مؤيد بكل آنين الكمنجات في كل الوجود
بكل حفيف النسيم بتهنينة الأمهات للعيال في المهود بقولة بحبك وآة بصوت القبل ....
و كل ابتسامة بحق و حقيق تؤيد دفاعي
و بأرفع صباعي الضعيف و بأقول كلمتي
سيادي القضاة
سيادي الحدادي اللي حايمة علي ومتي ح اقول كلمتي
لكن قبل ما انطق و اقول كلمتي
قولولي انتم اية تهمتي؟؟؟
نفسي اكل رغيف عيش نضيف ...نفسي اشرب حبة مية تكون جاية للبني ادمين ...نفسي اكل خضار من غير كيماوي...نفسي ما احملشي هم بكرة... نفسي الناس ترجع زي زمان ...نفسي مصر تبقي مصر تبقي هي اللي حكولي عنها ...؟؟؟؟؟؟؟
نفسي و نفسي و نفسي اة اة و اة يا مصر ...
ناصر ناصر عود الفل يا ما بعدك شفنا الذل
اة يا جمال و بقولها بحسرة باعوا القدس و باعوا البصرة
اة يا جمال و بقولها بجد بكرة يبيعوا النيل و السد