بيت العروسة

بيت العروسة دايما مشغول .... دايما في حالة طواريء ... ؟؟؟ لية؟؟ حد سأل نفسة لية؟؟ أنا سألت نفسي السؤال دة أول ما أتخطبت ....؟؟ العروسة دايما في حالة طواريء و الأهتمام بمنزلها شيء في غاية الأهمية .. و كذلك الأهتمام بملابسها مكياجها .. نضارتها ؟؟؟ تفتكروا لية؟ وأشمعني العريس ما بيبقاش في حالة الطواريء دي و لية بيتة ما بيبقاش مشغول كدة زي بيت العروسة؟؟ و لية و هو رايح لها بيضرب البدلة و الكرافتة و خلاص علي كدة؟؟؟؟؟؟؟؟؟؟؟؟؟؟؟؟


**أول مرة طلب فيها زوجي القدوم الي منزلي بصحبة أهلة للتقدم رسميا لخطبتي و طلب يدي ... البيت عندنا كان في حالة طواريء جامدة جدا .. لا تتخيلوا من مسح و كنس و تنفيض و تلميع و غسيل سجاد ؛ كان فية أهتمام بكل صغيرة قبل الكبيرة .. البيت خلية نحل .. و لا أنا كان فية أهتمام غير عادي من ماما و كل ستات العيلة بية كل شوية يتمموا علية و علي لبسي .. و كل شوية يطلبوا مني اعمل بروفة للملابس ... و المكياج ..؟؟؟
كنت في حالة أستغراب شديدة .. في الأول أفتكرت ان بيتنا بس هو اللي كدة .. لكن بعد سؤال كل صديقاتي اللي أتجوزوا أكتشفت ان كل بيوت البنات كانت بالشكل دة و يمكن أكتر مننا كمان ؟؟؟
** بحثت عن تفسير و تبرير لحالة الأهتمام المبالغ بكل شيء من جانب العروسة و أهلها ...و بحثت عن تفسير لحالة البرود النسبي من جانب العريس و أهلة ؟؟؟ فلم أجد أجابة سوي أن الستات دايما مغلوب علي أمرهم غلابة مضطهدين .. أيوة مضطهدين لأن و ببساطة العروسة لو ما عملتش كدة و أهتمت الأهتمام دة و ظهرت بأحسن ما لديها حتتعاير في المستقبل من أهل جوزها ؟؟؟ يبقي بزمتكوا الستات مش غلابة ...؟؟؟
**حاجة كمان أكتشفتها أن المجلس القومي لحقوق المرأة الي الأن ما جبش للست حقها و لا قدر يغير عادات و تقاليد الزواج ؟؟؟
** ايوة الست دوما و دائما في الموقف الأضعف ...؟؟ و لقب مطلقة لقب منبوذ من المجتمع المصري بأكملة ... و الست دايما هي المضرورة من الطلاق أكتر من الرجل ... يبقي لية ما تتغيرش عادات و تقاليد الزواج و تنصف البنت بقدر الأمكان ؟؟؟؟؟
** يعني مثلا لية أهل العروسة ما يزوروش أهل العريس في بيتة .. و يدرسوا أخلاقة ... و يختلطوا بية و بأهلة قبل العريس ما يدخل البيت و تتحسب علي البنت خطوبة او قراءة فاتحة علي الفاضي؟؟؟ لية؟؟
** لماذا لا تعدل قسيمة الزواج بالشكل الذي يعطي للزوجة الحق في تطليق نفسها من الزوج وقتما تريد مع عدم الأخلال أو مصادرة حق الزوج في ذلك ؟؟؟ و بكدة أعتقد ان قضايا الخلع و الطلاق حتقل كتيرررر جدا ...
** لماذا لا ينص في قسيمة الزواج علي قيمة مبدئية لنفقة الأطفال يلزم بدفعها الزوج فور الطلاق لأولادة الي حين مطالبة الزوجة بزيادة النفقة عن طريق المحكمة .... يعني مثلا ينص في القسيمة أنة في حال الطلاق يلتزم الزوج فورا بدفع نفقة شهرية لكل طفل من أولادة تقدر ب 200 جنية قابلة للزيادة بحكم قضائي ؟؟؟
** لماذا لا يلتزم الزوج في قسيمة الزواج و يتعهد بعدم مغادرة الأراضي المصرية لأي سبب بدون ان يترك لزوجتة علي الأقل مبلغ عشرة ألاف جنية نفقة لها أثناء سفرة ... علي أن لا يسمح لة بالسفر الأ بأقرار من الزوجة أنة دفع لها و لأولادها منة نفقة سنة كاملة ..؟؟؟

*** للأسف لسة المرأة لم تأخذ حقوقها كاملة ****






أنتظروني في ( شبكة العريس) ..
( الحب الأول)..